Glosario Kanser
benigno
un tumor benigno ta un tumor ku no ta kanseroso (mira maligno)
biopsia
ta saka un pida tehido òf poko líkido di un tumor pa laga saminá na laboratorio
diagnósis
identifiká un enfermedat, basá riba e síntomanan ku e ta presentá
endoskopia
ta hasi uzo di instrumènt fibra-óptiko pa listra interior di kurpa. Esakí ta un tubo delegá ku un lus pegá na dje ku ta fasilitá un diagnósis sin ku un operashon grandi ta nesesario
histerèktomia
sakamentu di matris
kimoterapia
tratamentu ku remedinan fuerte, ta yam’é kimo tambe
kurativo
tratamentu ku meta di kura e enfermedat (mira paliativo)
laparoskopia
un variedat di endoskopia ku ta hasi uzo di un instrumènt ku lus pa listra parti pafó di bo intestino, higra, baso,matris i ovario
maligno
ta indiká ku ta trata di un kanser (mira benigno)
mastèktomia
operashon pa kita un pechu
mamografia
un pòtrèt di pechu saká ku un aparato espesial. E resultado yama un mamogram
metástasis
ta indiká ku e kanser a sigui plama den kurpa di e pashènt
negativo
un resultado negativo ta indiká ku no tin kanser (mira positivo)
onkologia
siensia ku ta studia kanser
onkólogo
dòkter ku ta trata pashènt ku tin kanser
paliativo
tratamentu pa kita doló, ku no nesesariamente ta kura e malesa
patólogo
dòkter spesialisá pa listra tehido bou di mikroskop
Paptèst
tèst yamá pa Dr. Papanikolau pa listra si tin sèl kanseroso den flishi di sleim di boka di matris
positivo
un resultado positivo ta indiká ku tin un kanser (mira negativo)
PSA tèst
tèst di sanger pa detektá kanser na prostat
PWF
Prinses Wilhelmina Fonds
radiólogo
dòkter ku ta interpretá radiografia (pòtrèt òf rayo X)
radioterapia òf bestraling
tratamentu ku rayonan di hopi intensidat durante 6 siman
radioterapista
dòkter enkargá pa duna bestraling
ultrazonido
un tèst ku ta hasi uzo di olanan di zonido ku frekuensia haltu i ta produsí un imágen di interior di kurpa. ta yam’é èko tambe
