Kon ta Diagnostiká un Kanser
Ora bo yega dòkter ku sierto keho e mester hasi diferente tèst pa por determiná kiko falta bo. Manera ta di komprondé, e tipo di tèst ku lo hasi ku bo, ta dependé di bo keho. Lo e ta diferente si bo a fula un pipita òf si bo a mira sanger den bo sushi.
Siensia a bai masha dilanti e delaster 10 añanan akí, hasiendo e arte di diagnostiká ménos kompliká. Uzo di kòmpiuternan sofistiká ku imágennan 3 -dimenshonal i medisina nuklear ta fasilitá e proseso.
Ta uza e palabranan ‘positivo’ i ‘negativo’ pa indiká resultado di e tèstnan di kanser. Positivo ta indiká ku e eksamen ta mustra ku tin un iregularidat ku por ta indikashon di un kanser i negativo ke men ku no a haña nada. E nòmbernan akí ta nèt kontrali na nos manera di pensa, nos ta ripití: negativo ta bisa nos ku tur kos ta bon. Ta uza e nòmbernan akí tambe den tur ramo di medisina, ke men ta bon pa keda kòrda nan
